Öffentliche Petition Nr.4034

Petent: Yves Lill

Diese Petition ist in weiteren Sprachen verfügbar:

Aktuell mussen d'Beamten an d'Employéen aus der ënneschter Carrière en schrëftleche Promotiounsexamen maachen, fir an hirer Carrière virunzekommen. An de méi héije Carrièren am ëffentleche Déngscht ass dat net de Fall. Do ass keen Examen néideg, mee et muss just eng Weiderbildung vun op mannst 12 Deeg gemaach ginn. An der ënneschter Carrière geschitt den Avancement op de Grad X (Echelone X) 6 Joer no der definitiver Ernennung an ouni Weiderbildung, awer nëmme wann de Promotiounsexamen gepackt gëtt. Ab dem Alter vu 50 Joer fält dës Bedingung ewech, fir nach eng lescht Avancement op de Grad 7 ze kréien. An de méi héije Carrièren geschitt den Avancement op de Grad X (Echelone X) 6 Joer no der definitiver Ernennung, ouni Examen an ouni Weiderbildung.

Et soll garantéiert ginn, datt jiddereen an der Fonction publique fair a gläich behandelt gëtt. Et ass richteg, datt Persounen an enger méi héijer Carrière méi laang studéiert hunn. Am Géigenzuch kréien si awer och e méi héije Salaire. Et ass dofir net gerecht, datt Persounen an der ënneschter Carrière nach en zousätzlechen Examen maache mussen, fir an hirer Carrière virunzekommen. All Beamten an Employéen mussen esouwisou den Ofschlossexamen vum Stage packen. Et ass net nozëvollzéien, firwat dono nach en zousätzlechen Examen verlaangt gëtt - an dat just fir eng bestëmmte Carrière. Aus Grënn vun der Fairness soll de Promotiounsexamen fir déi ënnescht Carrièren ofgeschaaft ginn, fir datt jiddereen déi selwecht Chancen huet.