Fir e bessert Versteesdemech am Verkéier : En zousätzleche Volet fir den theoreteschen a praktesche Permis (Fürerschäin), wat dem Ëmgang mat Cyclisten am Verkéier ugeet.

Öffentliche Petition Nr.3431

Petent: Camille Muller

De But vun dëser Petitioun ass de Versteesdemech vum zukünftegen Autofuerer fir de Cyclist ze fërderen. Dofir soll de Permis mat engem theoreteschen a prakteschen (fakultativ bei noweisbar physescher Behënnerung) Volet iwwert Cyclisten am Verkéier ergänzt ginn. Et soll falsch Klischeeën a Virurteeler verhënneren.

De But vun dëser Petitioun ass de Versteesdemech vum zukünftegen Autofuerer fir de Cyclist ze fërderen. Dofir soll de Permis mat engem theoreteschen a prakteschen (fakultativ bei noweisbar physescher Behënnerung) Volet iwwert Cyclisten am Verkéier ergänzt ginn. Niewent verkéierstechneschen Elementer (Ofstand, déi technesch Spezifizitéiten vun de verschiddenen Vëloszorten  am Verkéier. a.s.w.) sollen och falsch Klischeeën a Virurteeler verhënnert ginn. Beispiller: - Firwat fiert de Cyclist net ëmmer ganz riets? Gullien déi erausstinn oder eng Kaul an der Strooss maachen, kënnen de Grond sinn, oder en Objet deen en Autofuerer weder gesäit, nach spiert. - Firwat fuere Cyclisten net ëmmer op der Velospist?  Wien am Alldag Vëlo fiert huet op senger Vëlospist keng Epicerie, keng Apdikt, kee Bistrot, ... an e wunnt net niewent der Vëlospist. All Cyclist ass anescht. Den Transport vu Kanner fuerdert en anert Fuerverhalen, genau sou wéi den Transport vu méi schwéiere Wueren an engem Cargobike. Pedelecfuerer gi beim ufueren ënnerschätzt, sou dass zemools bei roude Luuchten déi eng oder aner geféierlech Situatioun entstoe kann.