Staatlech Ënnerstëtzung fir de Motosführerschäin fir Jugendlecher zu Lëtzebuerg

Öffentliche Petition Nr.3591

Petent: Jason Genot

Dës Petitioun fuerdert d'Aféiere vun enger staatlecher Hëllef fir Jugendlecher zu Lëtzebuerg, déi hiren Motosführerschäin maache wëllen. De Präis vun engem Motosführerschäin läit aktuell bei ronn 1.800 EUR, an dobäi kommen nach d'Käschte fir e Moto, wat d'Gesamtkäschte séier op méi wéi 4.000 EUR bréngt. Vill Jonker kënnen sech dat net leeschten, obwuel de Moto fir si eng wichteg Roll spillt, besonnesch a ländleche Regiounen, wou d'ëffentlech Transportmëttel limitéiert sinn. Mir fuerderen dofir: Direkt finanziell Ënnerstëtzung duerch e staatlecht Subside-System, bei deem de Staat e wesentleche Bestanddeel vun de Käschte fir de Motosführerschäin iwwerhëlt, ouni datt d'Jugendlecher d'Suen zréckbezuele mussen. Dës Hëllef soll onofhängeg vun de Famillje-Revenuen zougänglech sinn. Dest soll sech ob den 50ccm an 125ccm führerschäin bezeihen.

De Präis vun engem Motosführerschäin läit aktuell bei ronn 1.800 EUR, an dobäi kommen nach d'Käschte fir e Moto, wat d'Gesamtkäschte séier op méi wéi 4.000 EUR bréngt. Vill Jonker kënnen sech dat net leeschten, obwuel de Moto fir si eng wichteg Roll spillt, besonnesch a ländleche Regiounen, wou d'ëffentlech Transportmëttel limitéiert sinn. Verbesserung vun de Chancen am Beruffs- a Bildungsberäich: 1) Zougang zu Léierplazen a Schoulen: Net all Schoul oder Léierplaz ass einfach mat den ëffentlechen Transportmëttelen erreechbar, besonnesch a ländleche Regiounen. Mat engem Moto kéinten d'Jugendlecher méi flexibel sinn a méi Méiglechkeeten hunn. 2) Aarbechtsméiglechkeeten: E Moto mécht et méi einfach, Schaffplazen z'erreechen, besonnesch wann d'Schaffzäite fréi moies oder spéit owes sinn, wann den ëffentlechen Transport limitéiert ass. 3) Onofhängegkeet: Jugendlecher musse sech net ëmmer op Elteren oder Frënn verloossen, fir vun A op B ze kommen. Dat ass besonnesch wichteg, wann et ëm Aarbechtsinterviewen oder Schoul- oder außerschoulegen aktivitéiten geet. 4) Fërderung vu Verantwortung: De Moto-Führerschäin bréngt och Léieren iwwer Verantwortung, Stroosserégelen a Sécherheet mat sech.