Ëffentlech Petitioun Nr.3992

Petitionär: Tatiana Retunskaia

Dës Petitioun ass an anere Sproochen disponibel

Mir froen, datt: 1) D'Chamber hëlt eng Resolutioun un, an där festgehale gëtt, datt de Slogan « Vum Floss bis bei d'Mier » (« From the river to the sea »), benotzt am Kontext vum israeelesch-arabesche Konflikt an der « Befreiung vu Palestina », souwéi all seng Varianten, déi d'Iddi vun dësem Ausdrock bäibehalen, als Opruff zu Haass oder Gewalt géint Judden an Ustëftung zum Terrorismus interpretéiert ginn; 2) D’Autoritéiten d’Benotzung vun dësem Slogan am uewe genannte Kontext am Aklang mat den Artikelen 457-1 an 135-11 vum Code pénal behandelen; 3) D’Manifestatiounen, wou dëse Slogan an den Invitatiounen ernimmt gëtt, verbuede ginn.

« Palestina vum Floss bis bei d'Mier befreien » ass technesch onméiglech, ouni de Staat Israel vun der Kaart ze läschen an ouni déi zéng Millioune Judden, déi aktuell do liewen, ze verdrängen oder ëmzebréngen. Well d'Israeeliener ni akzeptéiere wäerten, mat Gewalt aus hiren Heiser verdriwwe ze ginn, kënnt dëse Slogan de facto engem Opruff zu Gewalt, souguer zu Mord, géint d'Judden, déi an Israel liewen, gläich.