Ëffentlech Petitioun Nr.4002

Petitionär: Dorián Félix Ertl

Dës Petitioun ass an anere Sproochen disponibel

Dës Petitioun proposéiert d'Zuel vun den Deputéierten, déi am Bezierk Zentrum gewielt ginn, vun 21 op 22 z'erhéijen an d'Zuel am Bezierk Süde vun 23 op 22 ze reduzéieren, fir eng méi akkurate proportionell Vertriedung vun der Bevëlkerung ze versécheren.

Déi lescht Ännerung vum Zuel vun deenen an all Walbezierker ze wielen Deputéierte gouf 1988 virgeholl. Dës Verdeelung weist ënner anerem dem Bezierk Süden 23 Sëtz an dem Bezierk Zentrum 21 Sëtz zou, wat dat historesch méi grousst demographescht Gewiicht vum Süde reflektéiert. Allerdéngs ass déi staarkt Bevëlkerungswuesstem, dat Lëtzebuerg zënterhier erlieft huet, net geographesch eenheetlech ginn. D'Populatioun vum Zentrum ass elo bal esou grouss wéi déi vum Süden, mat, dem Statec no, 247.297 respektiv 250.604 Awunner an dëse Walbezierker 2025. Den Ënnerscheed an der Bevëlkerung tëscht deenen zwee gréisste Walbezierker vum Land huet sech esou reduzéiert, datt d'Berechnung vun enger neier Verdeelung vun de Sëtz no der Bevëlkerung (duerch d'Formel, déi fir d'Sëtzverdeelung tëscht de Lëschte bei de Chamberwale benotzt gëtt) 22 Sëtz fir de Süden an 22 Sëtz fir den Zentrum zouweise géif. Et wier dofir opportun, fir d'aktuell demographesch Realitéit vum Land méi genee ze reflektéieren, duerch enger Gesetz, virun de Chamberwale vun 2028, d'Zuel vun de Deputéierte pro Walbezierk wéi follgende festzeleeën: - Walbezierk Süden: 22 Deputéiert; - Walbezierk Osten: 7 Deputéiert; - Walbezierk Zentrum: 22 Deputéiert; - Walbezierk Norden : 9 Deputéiert.