Petitions to the Chamber of Deputies

OBJECT : Aktuell mussen d'Beamten an d'Employéen aus der ënneschter Carrière en schrëftleche Promotiounsexamen maachen, fir an hirer Carrière virunzekommen. An de méi héije Carrièren am ëffentleche Déngscht ass dat net de Fall. Do ass keen Examen néideg, mee et muss just eng Weiderbildung vun op mannst 12 Deeg gemaach ginn. An der ënneschter Carrière geschitt den Avancement op de Grad X (Echelone X) 6 Joer no der definitiver Ernennung an ouni Weiderbildung, awer nëmme wann de Promotiounsexamen gepackt gëtt. Ab dem Alter vu 50 Joer fält dës Bedingung ewech, fir nach eng lescht Avancement op de Grad 7 ze kréien. An de méi héije Carrièren geschitt den Avancement op de Grad X (Echelone X) 6 Joer no der definitiver Ernennung, ouni Examen an ouni Weiderbildung.

OBJECT : Mir fuerderen d'Lëtzebuerger Regierung an d'Chamber op, konkret Moossnamen ze huelen, fir der akuter Wunnengsnout am Land entgéintzewierken.Mir proposéieren, datt de Staat oder d'Gemengen gezielt Terrain opkaafen, déi aktuell net benotzt ginn oder net fir grouss Immobilieprojeten reservéiert sinn, an dës Plazen fir kleng, energieeffizient Tiny Houses ze notzen.Dësen Projet soll et méiglech maachen, Tiny Houses fir e sozialen Präis vu 500 EUR pro Mount un Bierger am nidderegen oder mëttlere Revenu auszeginn. D'Haaptziil ass, séier bezuelbar a qualitativ Wunnengen ze schafen, besonnesch fir Jonker, Eenzeler an Familljen, déi sech aktuell keng regulär Locatiounen oder Hypotheken leeschte kënnen.Mir plädéiere fir:D'Identifikatioun vu Staats- oder Gemengen-Terrainen, déi fir dëse Projet kënne genotzt ginn.Eng Sécherstellung, datt d'Haiser nohalteg, energieeffizient an ëmweltfrëndlech gebaut ginn.Eng transparent Gestioun mat sozial gerechter Prioritéitslëscht fir Locatairen.D'Promotioun vum Konzept vun alternativen a gemeinschaftleche Wunnformen am ganze Land.Sou en nationale Programm fir Tiny Houses géif net nëmme Wunnengsgeleeënheeten schafen, mee och eng kulturell a wirtschaftlech Dynamik am Land fërderen, déi op Nohaltegkeet a Solidaritéit baséiert.

OBJECT : Dës Petitioun fuerdert, datt Lëtzebuerg an Zäite vun enger internationaler Ueleg-, Energie- oder Versuergungskris d'Akzisen op Bensin an Diesel nëmme fir Residenten oder fir Gefierer mat lëtzebuergescher Immatrikulatioun reduzéiert. Persounen mat Wunnsëtz zu Lëtzebuerg a Gefierer mat lëtzebuergesche Placke sollen an esou Situatiounen e reduzéierte Präis bezuelen, deen duerch eng méi niddreg Besteierung erméiglecht gëtt. Auslännesch Gefierer an Tanktouristen sollen de normale Präis an déi normal Besteierung bäibehalen. D'Zil ass et, d'Residenten ze entlaaschten, ouni datt de Staat de Kraftstoffpräis direkt subventionéiert oder ëffentlech Gelder fir den Tanktourismus agesat ginn. D'Regierung soll d'Méiglechkeet kréien, temporär: d'Akzisen op Bensin an Diesel fir Residenten ze reduzéieren; den normale Steiersaz fir Net-Residenten an auslännesch Gefierer bäizebehalen; d'Kontroll iwwer d'Immatrikulatioun oder de Wunnsëtz virzegesinn; dës Moossnam automatesch a Kraaft trieden ze loossen, wann eng offiziell Energiekris deklaréiert gëtt oder wann de Präis vum Pëtrol eng festgeluechte Grenz iwwerschreit.