Petitions to the Chamber of Deputies

OBJECT : Ziel vun dëser Petitioun ass et fir ons Natur an Ëmwelt ze schützen virun Léit déi scheinbar absolut keen Respekt méi hunn. Et sollen strofen agefouert ginn déi, an dem Fall wou een erwëscht gëtt, oder een beweisen kann dat een dat gemaach huet, och emol wierklech a richteg wéi dinn. Déi sollen bei minimum 2000EUR, plus 5 Punkten um Führerschäin léien.

OBJECT : D'Zil vun dëser Petitioun ass folgend: d'Regelen vun der finanzieller Käschterechung fir Zännkrounen an der nationaler Gesondheetsversécherung ze verbesseren, fir datt Leit mat genetesch bedéngten oder laangjäregen Zännproblemer eng méi gerecht an adequat finanziell Ënnerstëtzung kréien.

OBJECT : Dës Petitioun huet als Zil, zu Lëtzebuerg e méi gerechten a méi proportionale System vu Geldstrofen bei Vitessiwwerschreidungen anzeféieren. D'Verkéierssécherheet muss eng absolut Prioritéit bleiwen, an geféierlecht Verhalen am Stroosseverkéier soll weiderhin streng bestrooft ginn. Awer vill Bierger hunn haut d'Gefill, datt den aktuelle System net ëmmer genuch tëscht engem klenge Feeler an engem wierklech geféierleche Verhalen ënnerscheet. Et schéngt schwéier ze verstoen, datt eng Persoun, déi an enger 50er-Zon mat 51 km/h geblëtzt gëtt nom Toleranzofzéien, aktuell déi selwecht Geldstrof bezilt wéi eng Persoun, déi mat 69 km/h kontrolléiert gëtt. Obwuel de Risiko an d'Responsabilitéit net vergläichbar sinn, bleift d'Sanktioun identesch. Déi selwecht Situatioun fënnt een och bei 30er-Zonen, op Landstroossen oder op der Autobunn. Dës Petitioun fuerdert dofir eng méi fair an differenzéiert Staffelung vun de Sanktiounen, déi besser un d'Gravitéit vun der effektiver Vitessiwwerschreidung ugepasst ass. Eng gerecht a verständlech Regelung géif net nëmmen d'Gefill vu Fairness stäerken, mee och d'Akzeptanz vum System bei de Bierger verbesseren. Well eng Sanktioun gëtt vill besser akzeptéiert, wann si als gerecht a logesch empfonnt gëtt. D'Zil vun dëser Petitioun ass also net, Vitessiwwerschreidungen ze vernoléissegen, mee e System ze schafen, deen Sécherheet a Gerechtegkeet besser matenee verbënnt.