Public petition n°4115

Petitioner: Steve Schmitz

This petition is available in other languages:

Dës Petitioun fuerdert eng grondsätzlech Iwwerpréiwung vum Unterrecht iwwer Sexualitéit an emotional Erzéiung an de Lëtzebuerger Grondschoulen, besonnesch an de Cyclen 1 bis 3, fir de Schutz vun der Kandheet, de Respekt vun den Elteren, de kulturellen a reliéise Wäerter an d'altersgerecht Entwécklung vum Kand ze garantéieren.

Vill Elteren zu Lëtzebuerg maachen sech grouss Suergen doriwwer, datt verschidden Themen am Beräich vun der Sexualitéit an emotionaler Erzéiung ëmmer méi fréi an de Schoule behandelt ginn, obwuel vill Kanner am Cycle 1 bis 3 nach net déi néideg emotional a psychologesch Reife hunn, fir esou sensibel Inhalter richteg ze verstoen an ze verschaffen. Vill Famillje fillen sech net genuch respektéiert an hirem Erzéiungsrecht, hire kulturelle Wäerter oder hire reliéisen Iwwerzeegungen. D'Erzéiung vun de Kanner, besonnesch bei sensibelen Themen wéi Sexualitéit, Intimitéit an Identitéit, muss virun allem an der Verantwortung vun den Eltere bleiwen. Dës Petitioun riicht sech net géint eng basis Gesondheets- oder Präventiounserzéiung, mee géint eng ze fréi, ze detailléiert oder ideologesch beaflosst Approche bei jonke Kanner. D'Kandheet muss geschützt bleiwen, an d'Schoul däerf net géint d'Iwwerzeegungen an d'Wäerter vun de Famillje schaffen. Fir datt keng Themen am Beräich Sexualitéit, Geschlechtsidentitéit oder intim-affektiv Erzéiung an de Cyclen 1 bis 3 behandelt ginn; datt sensibel Themen eréischt an engem méi passenden Alter a mat psychologescher Reife vum Kand behandelt ginn; e komplette Respekt vum Erzéiungsrecht vun den Elteren; de Respekt vun de kulturellen, moraleschen a reliéisen Iwwerzeegunge vun de Familljen; eng total Transparenz iwwer all pedagogescht Material, Interventiounen an extern Organisatiounen; datt Elteren am Viraus obligatoresch informéiert ginn an hiert ausdrécklecht Averständnis musse ginn; d'Recht fir Elteren, hir Kanner ouni Konsequenzen vun esou Coursen ofzemellen; eng strikt pedagogesch a politesch Neutralitéit an de Schoulen; eng national ëffentlech Debatt iwwer de Schutz vun der Kandheet an d'Grenze vun der Schoulerzéiung bei sensibelen Themen. Vill Bierger zu Lëtzebuerg wënschen sech eng Schoul, déi sech op Basiswëssen, Respekt,Sprooch, Sécherheet an d'Wuel vum Kand konzentréiert, ouni ze fréi sensibel Themen an d'Kandheet eran ze bréngen. D'Rechter vun den Elteren, de Schutz vun de Kanner an de Respekt vun de Familljewäerter musse Prioritéit hunn.