ADAPTO - fir eng besser Organisatioun am Sënn vu Leit mat enger Behënnerung ADAPTO - für eine bessere Organisation im Sinne der Personen mit einer Behinderung ADAPTO - pour une meilleure organisation en faveur des personnes avec un handicap

Public petition n°2122

Petitioner: Pierrot Joseph Léon Feltgen

Den ADAPTO-System soll nees ee Garant vun der Mobilitéit fir Mënsche mat enger Beeinträchtigung ginn. Dëse Service soll net eng Brems oder souguer een Hënnernes, mee ganz au Contraire ee Moyen zur Inklusioun an d'gesellschaftlech Liewe fir Leit mat Mobilitéitsproblemer sinn. Et muss ee Service sinn ob deen ee sech verloosse kann, deen een sëcher a zu deene gefrooten Zäiten vun A ob B bréngt. Eng besser Logistik an eng méi human Handhabung soll et all dëse Kanner a erwuessene Persounen erlaabe nees um Liewe vun eiser Gesellschaft deelhuele loossen. Fir si ass den ADAPTO deen eenzege Wee zu hiren Aktivitéiten.

Säit September si vill Leit mat enger geeschteger Behënnerung vum aktive Liewen ausgeschloss, well si sech net méi op eng zouverlässeg Aart a Weis op hir Aktivitéiten am Sport, Kultur a soss Fräizäitaktivitéiten deplacéiere kënnen. Grad des Leit brauchen eng Reegelméissegkeet an hirem Liewensoflaf. Transporter déi net oder vill ze spéit kommen, féiert dozou dat d'Elteren an déi betraffe Leit sech net méi sécher fillen an da léiwer doheem bleiwen, wéi ee Risiko anzegoen. D'Chauffeure kennen dacks hir Strécken net, verwiesselen Uertschafte mat Gemengen, kënne meeschtens net mat de Leit déi se transportéiere kommunizéieren. All dat féiert zu enormen Unsecherheeten. Transporteuren aus der jeeweileger Regioun, och wéinst ökologeschen Ursaachen, sollte prioritär agesat ginn, mat Chauffeuren déi och mat dëser speziell Clientel ëmgoen kënnen an si eventuell kennen.